2026-жылдын 23-июнунда Кыргыз Республикасынын Илим, жогорку билим берүү жана инновациялар министрлигине караштуу Жогорку аттестациялык комиссиянын чечими менен түзүлгөн Д 08.26.28 диссертациялык кеңешинин биринчи жыйыны болуп өттү.
Диссертациялык кеңеш эки негиздөөчү тарабынан түзүлгөн: Кыргыз-Россия Славян университети жана Кыргызстандын Эл аралык университети Окуу-илимий-өндүрүштүк комплекси коммерциялык эмес билим берүү мекемеси.
Д 08.26.28 диссертациялык кеңешине 08.00.02 «Тармактык экономика жана менеджмент» жана 08.00.03 «Финансы жана бухгалтердик эсеп» адистиктери боюнча докторлук жана кандидаттык диссертацияларды коргоого кабыл алуу укугу берилди.
Биргелешкен ишмердүүлүк илимий потенциалды чыңдоо менен гана чектелбестен, диссертацияларды коргоо үчүн жаңы мүмкүнчүлүктөрдү ачып, академиялык чөйрөнү өз ара тыгыз жана натыйжалуу кызматташтыктын мейкиндигине айлантат.
«Кыргызстандын Эл аралык университети» Окуу-Илимий-Өндүрүштүк Комплекси коммерциялык эмес билим берүү мекемеси жаңы илимий-билим берүү платформасынын байланыштыруучу звеносу болуп, Кыргыз Республикасынын алдыңкы жогорку окуу жайларын жана илимий-изилдөө борборлорун бириктирет.
Бул өнөктөштүк экономика, финансы жана бухгалтердик эсеп тармагындагы жогорку квалификациялуу адистерди даярдоо жана аттестациялоо үчүн бирдиктүү экосистеманы түзүүгө багытталган.
